29 қараша күні Мектеп Парламентінің жалпы фракциялар жиналысы өтті. Оқушылар өзін-өзі басқару бойынша ақылдасып, алдағы міндеттерін айқындады. Фракция жиналысында үкімет басшылары бекітіліп, жоспарлы істері келісілді.   

№3 орта мектебінде "Жас ұлан" ұйымы оқушыларымен "Мемлекеттік рәміздер - ұлт мақтанышы" тақырыбында дөңгелек үстел өткізілді. Мақсаты: ҚР Мемлекеттік рәміздерін жан-жақты түсіндіру арқылы оқушылар бойында патриоттық сезімді қалыптастыру. ҚР Мемлекеттік рәміздеріне зор құрмет, шынайы сезім, ұлттық рух тұрғысында қарауға дағдыландыру. 

№3 орта мектебінде қараша айында "Күз - береке, байлықтың бастауы" атты 7-10 сынып оқушылары  арасында күзгі жәрмеңке өтті. Шараның мақсаты:"Арпа бидай ас екен, асыл күміс тас екен"- демекші, күз уақыты молшылыққа толы болғандықтан күздің берекелі, мерекелі кезін насихаттау. 

№3 орта мектебінде 8-10 сыныптар арасында "Арайлы алтын күз" атты байқау өткізілді.  Байқауға аталған сыныптардан бір жұптан қатысты. Байқай нәтижесінде  10"А" сыныбынан Дарын мен Жансая "Күз ханзадасы мен ханшайым" атағына ие болды.  Мақсаты: мектебімізде өткізіліп жатқан "Алтын күз" мерекесіне ұйымшылдықпен қатыса отырып, күз-байлық, күз-береке, күз-молшылық, күз-шаттық, күз-қуаныш екенін оқушы санасына жеткізу. Өздеріне ерік бере отырып, ауызбіршілікке, ынтымақтастыққа баулу.