Ардагер ұстаздарға тағзым!

22 мамыр күні №3 орта мектебінің жанынан ардагер ұстаздарға арналған "Ардагер ұстаздар аллеясының" салтанатты ашылуы өтті. Бұл -білім мен тәрбие жолында аянбай еңбек еткен ұлағатты ұстаздарға деген зор құрметтің белгісі.  
  Аллея 2005 жылғы мектеп түлектерінің бастамасымен қолға алынып, демеушілік жасаған азаматтардың қолдауымен жүзеге асты. Ардагер ұстаздар аллеясының салтанатты ашылу рәсімінде қызыл таспаны аудандық білім бөлімінің әдістемелік кабинетінің меңгерушісі Мұрат Өскенбаевпен ардагер ұстаз Егізбаев Төрегелді ағай қиып, аллеяның ресми ашылуына жол ашты. Ардагерлеріміздің өнегелі жолы - кейінгі ұрпаққа үлгі, ал бұл аллея - олардың есімін мәңгі есте сақтаудың жарқын көрінісі.   
      Қадірлі ұстаздарымызға мың алғыс!